कितीही जरी असलो आम्ही लोचट ...

भावना आमच्या नाहीयेत बऱ बोथट 

शेतकरी मेला तर त्याचे काय एवढे

आम्ही खाऊ मस्त बर्फी अन पेढे 

आले आले वाढदिवस लावू मस्त मोठे फ्लेक्स 

जाऊ कुठेतरी,मस्त पार्टी करू रीलेक्स 

कुपोषित मेली मुले तर त्याचे काय एवढे 

 आम्ही खाऊ मस्त बर्फी अन पेढे 

परवा कुणी चित्रकाराने आम्हाला नागवे केले 

पेटून उठले ना भौ आमचे सारे चेले 

खरे देशद्रोही आम्हाला पोसायचे असतात 

खरे बोलणारे मात्र अवती भवती नको असतात 

कलाकारालाच चक्क राजद्रोही ठरवले 

भ्रष्टाचारीच सगळे देशभक्त बनले 

आदर्श कोळशाने आमचे थोबाड काळे झाले 

झाले  तर झाले त्यात काय एवढे 

आम्ही खातच राहू मस्त बर्फी आणि पेढे