कधी तू कधी मी
कधी कधी कुणीच नाही ....

कधी सांज कधी रात
कधी कुणाची साथ नाही ....


कधी आसू कधी हासू
कधी कधी दोन्हीही ....

कधी प्रेम कधी विरह
कधी डोळा पाणीही ......

कधी सूर कधी ताल
कधी कधी नुसतीच लय.........

कधी आठवण कधी ओढ
कधी अशीच दाटून येते सय .........

कधी गंध मातीचा, कधी तुझ्या प्रीतीचा
कधी झुरणाऱ्या रातीचा,कधी मनी दाटलेल्या भीतीचा

कधी प्रश्न ??  कधी उत्तर
कधी कधी होतो मी निरुत्तर

कधी रंग कधी संग
कधी कुठूनसे उडत येते तुझ्या आठवणींचे अत्तर

कधी रुसणे कधी हसणे
कधी कधी नुसताच बहाणा जीवघेणा

कधी नवे ते भुलला तुझ्यावर
या वेड्या जगातला एक शहाणा